Link açıqlığı

Kiyevniñ militsiya hadimleri Sentsov ve Kolçenko ile birdemlik aktsiyasınıñ keçirilmesine keder ettiler


İyün 1-de cemaat faalleri Kiyevde Rusiye Federatsiyasınıñ elçihanesi yanında toplaşıp, «Sentsov ve Kolçenkoğa azatlıq!» («Svobodu Sentsovu i Kolçenko!») yazıları ve apiske alınğan qırımlılarnıñ resimleri ile levhalarnı yapıştıracaq ediler. Lâkin aktsiya vaqtında Kiyev militsiyası faaller barışıq numayışlarınıñ keçirilme tertibini bozalar, dep ayttılar, dep haber ete Qırım.Aqiqat mühbiri.

Faaller levhalarnı yapıştırğanda Rusiye elçihanesi militsiyanı çağırdı. İçki işler nazirliginiñ hadimleri keldiler. Militsiya hadimlerinden biri iştirakçilerden vesiqalarnı talap etip, faaller baraşıq tedbirlerniñ keçirilme qaidelerini bozalar, dep ayttıyu İçki işler nazirliginiñ hadimi ve faaller 10 daqqa devamında qavğa etip, aktsiyanıñ iştirakçileri aylanıp kettiler, dep ayttılar vaqia şaatları.

«Qabaatlı olaraq tanılğan Ukraina vatandaşları Sentsov ve Kolçenko bir yıl evelsi Moskvağa alıp ketirilgen ediler. Bizler bu aktsiyanı keçirip, bir şey unutmaycağımıznı ve afu etmeycegimizni kösteremiz, olarnı evge qaytarmaq içün elimizden kelgenini yapacaqmız», – dep ayttı aktsiya iştirakçisi Fedor Ustinov Qırım.Aqiqatqa.

XS
SM
MD
LG