Link açıqlığı

Qırımnıñ Rusiye Nazirler Şurasınıñ reisi muavini Mihail Şeremet suvnıñ suv anbarlarından çıqması sebebinden telüke olmağanını bildire. Bu kibi beyanat Qırım cumhuriyeti Rusiye ükümetiniñ resmiy saytında aşkâr etile.

Şeremet qırımlılarnı tınçlandıra ve telâşqa berilmemege çağıra.

«Er şey stabildir. Vaziyet nezaret etilmekte. Ealiniñ ayatına bir telüke yoqtır. Suvnıñ çıquvı 22 biñ kubometrni teşkil ete», – dedi Şeremet.

Faqat aynı şu beyanatta suv basuvda ne yapmaq kerekligi aqqında yazıla.

Qırım.Aqiqat bildirgeni kibi, bazar künü Qırımnıñ Bağçasaray rayonı Pıçqı köyünde ğarq oluv havfından insanlarnı tahliye etmege başladılar. Yerli mühbir bildirgeni kibi, şimdilik Pıçqı köyüniñ sakinleri vesiqa ve şeyleri ile acele sürette evlerini terk ete ediler. Köyniñ sıñırı yanında fevqulâde işler nazirligi ve Qırım kazakları yolnı qapatıp, köyge territoriya ve insanlarnı kirsetmey ediler.

XS
SM
MD
LG