Ukraina prezidenti Petro Poroşenko «Medeniyet ve sanat erbaplarına devlet stipendiyasınıñ tayinlenüvi aqta» fermannı imzaladı. Stipendiya alacaqlar arasında Qırımda yaqalanğan ve şimdi Rusiye apishanesinde bulunğan Oleg Sentsov da bar.
Ferman metni Ukraina prezidentiniñ resmiy saytında aşkâr etilgen.
Emirge köre, ebediyen devlet stipendiyaları 49 medeniyet ve sanat erbabına berildi, olardan eki yıllıq stipendiya – 37 insanğa, şu sıradan Oleg Sentsovğa berildi.
Oleg Sentsov 2014 senesi mayıs 11-de Qırımda Rusiye uquq qoruyıcı organlar tarafından yaqalandı. Onı teraktrlar azırlamasında qabaatlaycaq olalar. Avgust 8-de Moskva mahkemesi Sentsovnı apste tutuv apellâtsiyasını red etti.
Sentsovnıñ bir çoq zenaatdaşı ve uquq qorçalayıcıları onı «siyasiy mahbüs» olaraq tanıp, onı azat etmege rica eteler. Olarnıñ fikirince, qabaatlar uydurılğan, rejissörni ise onıñ noqtaiy-nazarı içün yaqaladılar.
