Link açıqlığı

Almaniya Ukrainağa 200 million yevro miqdarında para yardımını taqdim etti. Bunı cumaertesi künü, mayıs 30-da, Dnepropetrovskta Almaniya tış işler naziri Frank-Walter Steinmeier bildirdi.

Onıñ sözlerine köre, bu para infrastruktura, elektroenergiya teminlevine berilecektir.

Bunıñ ile şunı da qayd etti ki, Almaniya Ukraina içün ATO zonasından köçip kelgenlerge meskenlerniñ tamirine 500 million yevro miqdarınnda ödünç berdi.

«Alman ükümeti, imkânına köre, bu insanlarğa yardım ete. Dnepropetrovsk vilâyeti ve onıñ sakinleri bizge ortaq olğanından memnünmiz», – dey Steinmeier.

Almaniya ükümetinden yardım çerçivesinde Dnepropetrovsk vilâyetinde beş tranit şeer quruldı – Dnepropetrovsk, Dneprodzerjinsk, Krivoy Rog, Pavlograd ve Nikopolde.

Ukrainada köçip kelgenler içün eñ büyük şeerçik Pavlogradda quruldı, içine 600 insan sığa.

BMT malümatına köre, Ukrainada 1 million köçip kelgen insan bar.

XS
SM
MD
LG