Link açıqlığı

Uquq qoruyıcı: Çubarovğa qarşı iş – Qırımda Meclis faaliyetini yasaq etmek içün yapılğan ıntıluv


Qırımtatar halqınıñ aq-uquqlarını qorçalav komitetiniñ azası, Meclis azası Eskender Bariyev Rusiye prezidentiniñ «istenmez teşkilâtlar» aqqında qanunını ve Refat Çubarovğa qarşı cinaiy işniñ açılması işğal etilgen yarımadada Meclisniñ faaliyetini bütünley yasaq etmek içün yapılğan ıntıluv olaraq tanıy

«Adım-adım yapılğan areketler, soñ maqsadı – Qırımda Qırımtatar milliy Meclisiniñ faaliyetini yasaq etmek», – yazdı Bariyev Facebookta.

Çubarovğa qarşı açılğan işni qırımtatarlarnı qorquzmaq maqsadı ile yapılğan ıntıluv olaraq tanıdı.

«Qırımtatar halqınıñ faallerine basqı etüv usulı. Ayırım devam ete, Qırım akimiyetine yañı cinaiy işler zarurdır, qırımtatarlarnı cinaiy işlerniñ qapağı astında tutmaq kerekler», – yazdı o.

Qırım akimiyeti Poklonskayanıñ Çubarovğa qarşı cinaiy işniñ açılması aqta bildirüvini izaatlamadı.

Qırımda Rusiye Federal havfsızlıq hızmeti (FSB) idaresiniñ taqiqat bölügi Qırımtatar Milliy Meclis reisine qarşı cinaiy işni açtı.

Bunı akimiyet tarafdarı Krıminform saytına Qırım prokurorı Natalya Poklonskaya bildirdi.

Onıñ sözlerine köre, cinaiy iş devletniñ topraq bütünliginiñ bozuluvına çağıruvları ile bağlı.

«Qırım Cumhuriyeti boyunca Rusiye Federal havfsızlıq hızmeti (FSB) idaresiniñ taqiqat bölügi devletniñ topraq bütünliginiñ deñiştirilmesi ile bağlı areketlerge çağırğan Çubarovğa nisbeten cinaiy iş açtı. Taqiqat çerçivesinde taqiqatçılar vatandaş Çubarovğa qarşı qanuniy qararlarnı çıqaracaqlar», – dey o.

Poklonskaya şunı da qayd etti ki, Refat Çubarov qıdıruvğa ilân etilecek.

XS
SM
MD
LG