Yaltada «Buhran ve deñişüvler vaqtında iman, qavim, millet» halqara ilmiy tasil konferentsiyasını keçirecekler.
Bunı Qırım musulmanları diniy idaresiniñ matbuat hızmeti bildire.
Mayıs 29 künü Qırım Müftiyatına kelgen Rusiye Federatsiyası musulmanlarınıñ diniy idaresiniñ reis muavini Damir hazrat Mühetdinov konferentsiyada çetelden kelgen musafir, müftiylerniñ kelmesi beklenilgeni aqta bildire.
Konferentsiya sentâbr 10-14 künleri arasında keçirilmeli. İlmiy tedbir çerçivesinde dinlerara ve cemaat munasebetiniñ pekitilmesi, zemaneviy dünyada musulman ve musulman olmağanlarnıñ barışıq yaşayışı kibi meseleler muzakere etilecek.
