Ava şaraitlerinden sebep mayıs 27-29 künleri Qırımda 22 şahsiy azbar suv astında qaldı.
Bunı Qırım Fevqulâde işler Nazirliginiñ matbuat hızmeti bildire.
Müessiseniñ malümatına köre, esasen Canköy ve Aqmescit sakinlerniñ evlerini suv bastı. Meskün evlerde suv yoq, deyler nazirlikte.
Aqibetlerni 76 qurtarıcı yoq ete, meskün yerlerniñ yaşayış faaliyetine zarar yoq.
Evel bildirilgeni kibi, Qırımda ava şaraitlerinden sebep 60 şahsiy azbarnı suv bastı, suv 28 evniñ içine kirdi. Bunıñ ile meskün yer ışıqsız qaldı.
