Cemil Temişev – 2014 senesi mayıs 3 künü adiseleri sebebinden şartlı apis müddeti berilgen Musa Abkerimovğa nisbeten mahkeme qararını «qanuniy ve adaletli» olaraq tanıy.
«Bu «tatar» işlerinden eñ muzakere etilgen biridir. Musa 2014 senesi mayıs 3 künü militsiya hadimine zarar ketirilgeninde qabaatlana edi. Onı on yılğa qadar apis cezası bekley edi», – yazdı o Facebookta.
«Menimce, qanuniy ve adaleti qarardır. Qararnı çıqarğanda, mahkeme imayeniñ delillerine esaslandı», – dep qoştı advokat.
Temişev «Qırımda mahkeme ameliyatı ceza ve ayırım yolundan ketmeycegine» ümüdini bildirdi.
Musa Apkerimov оktâbrniñ 16-nda aqşam 24 yaşlı yaqalandı. Onı cinaiy madde boyunca qabaatladılar, akimiyet vekiline qarşı küç qullanğan dep ayttılar. Taqiqatnıñ malümatına köre, Apkerimov politsiya hadiminiñ tizini yaralağan.
Yaqalanğan insannı Rusiye Cinaiy Kodeksi 318-inci maddesi 2-nci qısmı boyunca «Ömrü ve sağlığı içün telükeli ola bilecek akimiyet vekillerine qarşı zorbalıq areketleri» cinayette qabaatlaylar, bundan sebep onı beş yıldan on yılğa qadar apske alına bile edi.
