Link açıqlığı

Qırım sarayları ve çar aileleriniñ iqametgâhları iç bir vaqıt şahsiy mülkiyet olmaz, dedi Yalta Livadiya sarayında keçirilgen brifing devamında mayıs 28 künü Qırımnıñ Rusiye ükümetiniñ başı Sergey Aksönov.

Bunı Qırım Nazirler Şurasınıñ matbuat hızmeti bildire.

«Bu obyektler iç bir vaqıt şahsiyleştirilmez, bu bizim milliy asabalığımızdır», – dedi o.

Aksönov şunı da bildirdi ki, Rusiye maliye Nazirligi medeniy asabalıq obyektlerniñ tamir işlerine tahminen 1,2 mlrd ruble ayıra, şu cümleden Livadiya, Vorontsov, Han sarayları.

Mayıs ayında 2014 senesi yerli akimiyet Qırım medeniy asabalığını 2014 senesi martta Qırımnı işğal etken Rusiye nezaretine temsil ettiler.

XS
SM
MD
LG