Link açıqlığı

ATR telekanalını Rusiye prokuraturasından kelgen mektüpten sebep qayd etmediler, – Roskomnadzor


Roskomnadzorda ATR qırımtatar telekanalına qayd etüvni bermegenlerini tanıdılar. Roskomnadzor başı muavini Maksim Ksenzov aytqanı kibi, soñki red etüv cevabı prokuraturadan kelgen mektüpke bağlı eken. Prokuratura «kanal tesisçileri diger memleket vatandaşları olmağanından şübe ete».

Onıñ sözlerine köre, Roskomnadzor «telekanalğa qanun boyunca qayd olunmağa yardım etmege azırdır», – haber ete «15 minut».

Ksenzov şunı da bildirdi ki, Qırımda «qırımtatar tilini qullanğan 28 matbuat vastası qayd etilgen». Rusiye memurı Qırımda yekâne qırımtatar telekanalınıñ hususiyligini şübeli olaraq tanıdı.

Malüm olğanı kibi, 2015 senesi aprel 1-de ATR ve Lâle qırımtatar telekanalları, Meydan ve «Lider» radioları Rusiye qaydınıñ olmağanından sebep işini toqtattılar.

XS
SM
MD
LG