Link açıqlığı

Saatnıñ esas haberi

Aqyar aydavcıları şeer yollarınıñ çoqqa sürgen tamir işlerine şikâyet ete


Aqyar sakinleri soñki yıl içerisinde şeerde naqliyat areketi oluqça artqanı, evel başlanğan tamil işleriniñ alâ daa soñuna yetmegenine şikâyet eteler.

«Yollarnıñ tamiri – güzel bir şey, ve çuqurlarnı qapatqanlarından pek memnünim. Amma tamir işleri bitirilgende yahşı ola. Bizde akimiyet birden er şeyge başladı, tamirni bitirmege imkân yoq. Er zaman yollarnıñ qazılğan qısımlarını aydap keçmege mecburım. Buña pek çoq vaqıt kete, tıqanıqlıqlar toplana, bazıda çuqurğa tüşmege mümkün», – dedi Qırım.Aqiqatqa yerli aydavcılardan biri.

Aydavcılar yollarda naqliyat miqdarınıñ artqanı aqqında bildire.

«Bizge tanış olmağan Rusiye nomeralarınıñ sayısı pek çoq, kelgenler, şeerni bilmeyip, yollarda manialarnı meydanğa ketireler, aydav üslüpleri de mında olğanından farqlıdır. Maşinalarnıñ sayısı çoqlaştı», – tarif ete aydavcı Mariya.

Piyadeler de Aqyarda naqliyat areketiniñ artqanını qayd eteler, bu sebepten yollarnı bazı yerlerde keçmege artıq qıyın oldı.

Evel «Yol nezareti – Aqyar» cemaat teşkilâtı şeer yollarınıñ keyfiyetsiz olğanından sebep narazılıq numayışlarını keçirgen edi.

XS
SM
MD
LG