Link açıqlığı

Ukraina Adliye Nazirligi Rusiye baş prokuraurasına Kiyev Dneprovskiy rayonınıñ mahkeme qararını amelge keçirmek içün öldürüvde qabaatlanğan Hayser Cemilevni olarğa bermege ricası ile muracaatta bulundı.

Bu aqta Ukraina Adliye Nazirliginiñ Ukraina Yuqarı Şurasınıñ deputatı Georgiy Logvinskiyniñ saifesindeki advokat soravına olğan cevabında aytıla.

Vesiqada bu kibi sorav Ukraina Adliye Nazirligi tarafından Rusiye baş prokuraturasına 2015 senesi mayıs 21 künü yollanılğanı aqta aytıla.

Adliye Naziriginde şunı da qayd ettiler ki, Kiyev mahkemesiniñ añılğan işbu qararı 2015 senesi aprel 10 künü alınğan eken.

«Rusiye Federatsiyasınıñ Baş prokuraturasında Hayser Cemilevniñ teslim etilmesi aqta soravnıñ baqılması aqta malümat yoq», – deyler mında.

Logvinskiyniñ malümatına köre, ukrain mahkemesi Hayser Cemilevge üç yıl ve 8 ay apis cezasını belgiledi.

Rusiye tarafından bu aqta resmiy cevap şimdilik yoqtır.

Hayser Cemilevni 2013 senesi mayıs 27-de onıñ Bağçasaraydaki evinde yaqaladılar. Anda 44 yaşında Fevzi Edemov öldürilgen edi. Militsiya Cinaiy kodeksniñ 115-inci maddesiniñ 1-inci qısmı boyunca (planlaştırılğan öldürüv) cinaiy iş açtı. Aqmescitniñ Kiyev rayon mahkemesi Hayser Cemilevni apiske aldı.

Qırım işğalinden soñ taqiqat organları bu işni ğayrıdan taqiq etmege qarar berdiler. Hayserni Qırım SİZOsından Krasnodar ülkesine alıp kettiler. Hayser Cemilev qabaatını tanımay. Adliyecisi öldürüv diqqasızlıqtan sebep olğanını bildire.

Kiyevniñ Apellâtsion mahkemesi ise Hayser diqqatsızlıqtan cinayet yaptı qararına kelip, onı azat etmege qarar aldı. İnsan aqları Avropa mahkemesi de Hayser Cemilevniñ azat etilmesi aqqında qararnı qabul etti. Lâkin Rusiye onı yerine ketirmey.

XS
SM
MD
LG