Link açıqlığı

Saatnıñ esas haberi

Çarşenbe künü Poroşenkonıñ Poloniyağa ziyareti planlaştırıla, – Tsegolko


Çarşenbe künü, mayıs 27-de, Ukraina prezidenti Petro Poroşenko Poloniyanıñ yañı saylanılğan prezidenti Andrzej Duda ve Poloniya yetekçisi Bronislav Komorovskiy ile körüşmek içün işbu memleketke yol alacaq. Bunı Radіo Svobodağa ukrain prezidentiniñ temsilcisi Svâtoslav Tsegolko bildirdi.

«Yarın Petro Poroşenkonıñ Andrzej Duda ve Bronislav Komorovskiy ile körüşüvi planlaştırıla», – dedi Svâtoslav Tsegolko salı künü, mayıs 26-da, aqşam.

Aynı şu zamanda, Poloniya matbuat vastaları aytqanı kibi, Poroşenkonıñ Duda ile körüşüvini Poloniyanıñ yañı saylanılğan prezidentiniñ meşğul olğanından sebep lâğu ettiler. Poloniya prezidenti vazifesine avgust 6 künü keçecek.

Poloniya prezidenti Kantselâriyasında Radio Svobodağa Poroşenkonıñ ziyareti aqqında haberni tasdiqlamadılar, resmiy malümatnı çarşenbe künü bermege vade ettiler.

XS
SM
MD
LG