Link açıqlığı

Qırım Tasil Nazirligi: ukrain ve qırımtatar tili boyunca tahminiy programmalar tasdiqlanılğan


Qırımnıñ Rusiye ükümetiniñ tasil Nazirligi yarımadada qırımtatar ve ukrain tilleri boyunca tahminiy programmalar tasdiqlanılğanı aqta bildire.

Nazirlikniñ matbuat hızmeti bildirgeni kibi, fenler programma leyhaları Qırımda cemaat muzakeresinden, tasil müessiselerinde retsentsiyalaşuv ketişatından ve Rusiye Federatsiyasınıñ Tasil ve ilim Nazirligi tarafından azırlanılğan teşkerüvlerden keçti.

«Federal devlet tasil standartlarına köre işlep çıqarılğan işbu leyhalar tasdiqlanıldı. 2015 senesi iyün 1-ne qadar olarnı esas tasil programmalarınıñ Cedveline kirsetecekler», – denile beyanatta.

Qırım Tasil Nazirliginde deyler ki, işbu programmalar esasında yarımada mekteplerinde 1-11 sınıflarında «qırımtatar ve ukrain tilleriniñ ögretüvi em tuvğan, em ve tuvğan olmağan kibi keçirilecek».

İleride, nazirlikniñ malümatına köre, işbu programmalar negizinde qırımtatar ve ukrain tili ve edebiyatı boyunca derslikler bala bağçası ve orta mektep sınıfları içün basılacaq.

XS
SM
MD
LG