Link açıqlığı

Prezident Petro Poroşenkonıñ fikrine köre, til Ukraina halqını birleştirgen faktordır.
Bunı o Petro Yatsekniñ adına XV halqara ukrain tili yarışınıñ iştirakçileri ve ğalipleri ile körüşüvde bildirdi, haber ete ukrain devleti başınıñ matbuat hızmeti.

«Siyasiy mühtekirlik vastası ile ukrain cemaatçılığını bölip olamadılar. Çünki bizim barışıq yaşayışımız ve birligimiz teren cemaat fikirdeşligimizniñ neticesidir.

Gençlerimiz öz yolunı sayladı ve onı açıqtan bildirdiler. Şu cümleden, yarışıñıznıñ tilinde. Lviv Luganskqa qadar, Çernigov tarafından Qırımğa qadar, bir yerde – bar sesi ile, başqa yerde – yavaşça, amma ukrain tili artıq eminliknen yanğıray, mustaqil avropalı devletniñ tili», – dedi Poroşenko.

O şunı dedi ki, Ukrainağa qarşı istilâ ve Qırım işğali – «ukrain halqınıñ birligini toqtatmaq içün bir ıntıluv».

Ukrain tili halqara yarışınıñ maqsadı – gençler arasında tilni rağbetleştirmek ve ukrain halqınıñ medeniyet ve adetlerine ürmet aşlamaq.

XS
SM
MD
LG