Kiyevde mayıs 26 künü Rusiye siyasetçisi İlya Yaşin, öldürilgen Rusiye muhalif siyasetçi Boris Nemtsovnıñ safdaşı, Ukraina şarqında arbiy istilâ aqqında «Putin. Cenk» maruzasını taqdim ete.
Şimdilik maruzanıñ taqdimi Ukrain buhranğa qarşı merkezinde keçe. Salı künü saat 19:30 Yaşin şu maruzanı «Kiyevo-Mogilânskaya akademiya»sında oquycaq.
Evel maruzanı Rusiye şeerlerinde taqdim etken etiler.
«Putin. Cenk» maruzası 3 biñ nusha miqdarında basıldı. 14 neşriyat, akimiyet basqısından qorqıp, maruzanı çıqarmağa razı olmadı.
Maruzada Ukraina şarqında Rusiye ordusınıñ bulunuvı ve Rusiye bücetinden cenkke ketken ziyanı aqqında añlatıla.
