Azat Avropa Radiosı/ Radіo Svoboda (AAR/ RS) Vaclav Havel adına 2015-2016 seneleri içün jurnalist stipendiya yarışı aqqında ilân ete.
Arizalarnı 2015 senesi mayıs 31-ne qadar havelfellowship@rferl.org poçtağa yollamaq mümkün. Arizada iştirakçi aqqında malümat, istek mektübi, iş nümüneleri, eki tevsiye mektübi, rezüme, «Vaclav Havelge mektüpler» ve ingliz tiliniñ bilmesi aqqında sertifikatlar kopiyası (mecburiy degil) olmalı.
Programmada Ukraina, Rusiye, Aqrusiye, Azerbaycan, Ermenistan, Gürcistan, Moldovadan jurnalistler iştirak ete bile. Saylavdan keçken stipendiatlar AAR/Radio Svobodanıñ Pragada yerleşken baş ofisinde tecribeli jurnalistler ile işbirlikte bulunıp, ameliyatnı keçe bilecekler. Stajlav 2015 senesi noyabr 1-den – 2016 senesi iyün 30-na qadar devam etecek.
Vaclav Havel adına stipendiya maqsadı – serbest ve mustaqil matbuat vastaları ile problemler olğan memleketleriniñ jurnalistlerine plüralizm destegine zenaat falliyetini devam etilmesine qol tutmaq.
«Programmanıñ teşkil etilmesine Çehiya sabıq prezidenti Vaclav Havelniñ repressiv rejimlerniñ yoq etilüvinde jurnalistik faaliyetiniñ rolüne olğan işançı siltem oldı»,– deyler mukâfat teşebbüsçileri.
2013-2014 seneleri Vaclav Havel adına mukâfatnıñ stipendiatı Ukrainadan Natalya Sedletska oldı – ukrain jurnalist-taqiqatçı, YanukovychLeaks teşebbüsiniñ iştirakçisi.
Vaclav Havel adına stipendiya – Prague Freedom Foundation ve Dagmar and Vaclav Havel Foundation VIZE97 destegi ile amelge keçirilgen AAR/Radio Svobodanıñ ve Çehiya Çetel işler nazirliginiñ teşebbüsidir.
