Rusiye Federatsiyasınıñ ükümeti Qırım memurlarınıñ aylıqlarını arttırmağa tüşüne, dedi Qırımnıñ Rusiye başı Sergey Aksönov İçki rayonında keçirilgen toplaşuvda.
Bunı Qırım Nazirler şurasınıñ matbuat hızmeti bildire.
«Bu sene devlet hızmetçisiniñ maliyeviy teminlevini Cenübiy federal okrugı seviyesine qadar köterecekmiz. Şimdi bu programma muzakere etile. Rusiye ükümetiniñ baş nazir muavini Dmitriy Kozak endi qararnı çıqardı. Bu em cumhuriyet, em belediye akimiyet organlarına bağlı. Eki milliard ruble endi ayırılğan, bu sene bizge qoşarlar», – dedi Aksönov.
Evel «Cemaat Fikir Fondu» içtimaiy hızmeti sorav neticelerini aşkâr etti. Oña köre, soralğanlarnıñ 17% ufaq maaş, aylıqlarğa şikâyet ete. 12% – fiyatlarnıñ köterilüvi aqta tahminler kerçekleşmegeni aqta bildire, 7% işsizlik meselesini qayd etti.
