Link açıqlığı

Qırımlı ve Ukrainanıñ diger sakinlerine yazdа «Qırım – Ukrainadır» şiarını futbolkalarda yapıp, onı rağbetleştirmege teklif eteler.

Bu kibi teşebbüsi ile Ukraina haber siyaseti Naziriniñ keñeşçisi Sergiy Kostınskıy vatandaşlarğa muracaatta bulundı.

«Qırım – Ukrainadır» umumiy bildirüvimiz ket-kete cemaat markası ola. Qırım sakinleri ve qırımlılar turmuş aуаtlarında şiarnı tarqatmağa çalışalar», – dep yazdı o Facebookta.

«Bugün Qırım aqqında rubrika şekilende qullanılğanı içün «Pensionnıy küryer»ge yolladım. Futbolkalarnı yapmağa istegenlerge qoşulırım ve dizaynerlerni de teklif eterim.

Belli ki, Ukraina Haber siyastei Nazirligi «Qırım –Ukrainadır» içtimaiy kampaniyasını amelge keçirdi. Ukraina boyunca reklama meydançıqlarında «Qırım – Ukrainalır» şiarları aşkâr etilgen.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG