Kiyevde mayıs 27 ve 30 künleri qırımtatarlarnıñ sürgünligi aqqında tarif etken «Qırım» vesiqalı filminiñ daa eki numayışı ötkerilecek.
Bunı Qırım.Aqiqatqa film rejissörı Kseniya Corno (Jornokley) tarif ete.
Onıñ malümatına köre, filmni Kiyevniñ Amerika medeniy merkezinde (Pimonenko, 6 adresi boyunca) köstereceler. Kösterüvden soñ seyirciler film rejissörı ile subetleşip olurlar.
Film Ukraina paytahtında mayıs 21 künü kösterilgen ve filmni çetelde köstermege istegen halqara teşkilâtlarnıñ temsilcilerinde meraq doğurğan edi.
Filmge kelmege istegenlerni https://goo.gl/O9EoAL qayd olunmağa çağıralar.
«Qırım» filmi 2014 senesi yazda çıqarılğan edi ve 70 yıl evelsi sürgünlikni yaşağan qırımtatarlarnıñ üç nesili: qaytqan ve Qırımda doğğanlar aqqında tarif ete.
Mayıs 18 künü Qırımtatar halqınıñ sürgünligi qurbanlarını hatıra Künü «Qırım» filmi Kannı festivalinde Short Film Corner yarıştan tış programması çerçivesinde kösterildi.
2015 senesi mayıs ayında film Houstonda (AQŞ) Halqara kino festivalinde Bronze Remi Award halqara mukâfatını elde etti.
