Link açıqlığı

Meclis: Vandallar Qırım dağlarında sürgün etilgenlerge abideni yıqtılar


Eklizi Burun eteginde sürgün etilgenlerge abide

Eklizi Burun (Çatırdağnıñ eñ yüksek noqtası) qırımtatarlarnıñ sürgünligi qurbanlarına tiklengen abideni yıqtılar. Bunı Qırımtatar Milliy Meclisiniñ matbuat hızmeti bildire.

«Malüm olğanı kibi, şu künleri tiklengen bayraqtan yalıñız qoparılğan ve qırılğan tayağı qaldı. Abidege enip, yalıñız taş temeli qalğanını kördik. Abideni vandallar, milliy timsalimiz – tamğanı sındırıp, uçurımdan attılar. Abideni uçurımnıñ eteginde, tüşmesini toqtatqan terekniñ altında taptıq. Onı tapqan yerinde qaldırdıq, yuqarı kötermege imkânsız edi», – dep bildire şaatlarnıñ sözlerini Meclisniñ matbuat hızmeti.

Sürgün etilgenlerge abide 2014 senesi qırımtatarlarnıñ sürgünligi yıllığına teşebbüs gruppası tarafından insanlarnıñ şahsiy esabına qoyulğan edi. Meclisniñ aytqanı kibi, yarımada vaziyeti sebebinden işbu adiseni pek aşkâr etmegen ediler. Başından abideni Çatırdağnıñ töpesinde tiklemege planlaştırğan ediler. Amma buña imkân olmağanından sebep onı Eklizi Burun platosı eteginde yerleştirdiler.

XS
SM
MD
LG