Qırımda cumaertesi künleri «Pervıy krımskiу» telekanalında qırımtatar tili dersleri keçe. Teleseyircilerni oyun şeklinde yañı sözlerge ögreteler. Misal içün, soñ yayında qaramanlar kino sanaatını muzakere etken edi, – haber ete Qırım.Aqiqat.
«Eglenip ögrenem» tele yayınımız ana tili seviyesi zayıf olğan qırımtatarlar ve diger millet vekillerine qırımtatar tilini ögretmek içün azırlanılğan», – haber eteler programma müellifleri VKоntakte ağında.
Yayın çerçivesinde qaramanlar eglenceli sürette çeşit mevzularda qırımtatar tilinde subetler keçire. Tercime, alt yazı ve alıp barıcınıñ tefsirleri de qullanıla. Telekanalnıñ programmasında yayın «Razvlekayas, izuçay» serlevası ile qayd etilgen. 12 yaşından seyirciler içün azırlanğanı belgilene. Programmanı YouTube kanalında seyir etmek mümkün.
Malüm olğanı kibi, 2015 senesi aprel 1-de ATR ve Lâle qırımtatar telekanalları, Meydan ve «Lider» radioları Rusiye qaydınıñ olmağanından sebep işini toqtattılar.
