Link açıqlığı

Rusiye Tış işler Nazirligi: «Şimaliy ortaqlıq» sammitinde AB «Qırım boyunca aqılsız mevamını bildire»


Rusiye Tış işler Nazirligi Latviya paytahtı Rigada yekünlengen AB «Şimaliy ortaqlıq» programmasınıñ sammitini teñqitke oğrattı.

İnformatsiya departamentiniñ ve Tış işler Nazirliginiñ resmiy beyanatında aytılğanı kibi: «Qayd etemiz, AB nevbetteki sefer Qırım boyunca öz aqılsız mevamını bildirdi».

Bundan da ğayrı, Moskvada «Şimaliy ortaqlıq» «ğayeviyleştirilgen geosiyasiy leyha, onıñ amelge keçirilmesine AB ayrı memleket-azaları tesir ete», degen fikirdeler.

Rigada mayıs 22 künü Avropa birliginiñ ve «Şimaliy ortaqlıq» memleketleriniñ yetekçileri bazı kelişamamazlıqlarğa baqmadan umumiy beyannameni qabul ettiler.

Vesiqada qayd etilgeni kibi, AB aprel 27 künü Ukraina-AB sammitinde Ruiye tarafından Qırım ve Aqyarnıñ qanunsız sürette qoşuluvı aqta bildirüvine sadıq qalğanını tasdiqlay.

2009 senesi teşkil etilgen «Şimaliy ortaqlıq» programmasınıñ azaları Ukraina, Gürcistan, Moldaviya, Azerbaycan, Ermenistan ve Aqrusiye memleketleri ola. Birinci üç memleket Avropa birligi ile daa da sıqı bağ qurmaq niyetindedir.

XS
SM
MD
LG