Azat Avropa Radiosı – Radіo Svoboda Azerbaycan paytahtı bürosını qapatmaq qarar aldı. Bıltır dekabr ayında ecnebiy teşkilâtlarğa qarşı kampaniya vaqtında memleket akimiyeti onı mecburen qapatqan edi.
Bu aqta mayıs 22 künü radio baş muarriri Nenad Peiç aytqanı kibi, Azerbaycan akimiyeti qanunsız ve sebepsiz areket etken edi.
Amma Radio Svoboda em öz, em hadimleriniñ aqlarını qurtarmaq içün areket etmek niyetindedir.
Azerbaycan uquq qoruyıcıları Radio Svoboda bürosına qarşı areket etkende Bakuda tintüvler keçirile edi, vesiqlar ve donatuv iç bir sebepsiz tutılıp alına, adliyecilerniñ hızmetlerini qullanmağa imkân bermey ediler, mahkeme salonında büro yuridik keñeşçisini quva, hadimlerniñ soylarını qorquza ediler. Bazılarına çetelge çıqmağa yasaq ettiler.
Amma Radіo Svobodanıñ Azerbaycan bürosı, Radio Azadlıg, Azerbaycanda malümatnı toplamağa ve onı tarqatmağa devam ete.
