Link açıqlığı

Qırımnıñ Canköy rayonında köpür tüşti


Qırımnıñ Canköy rayonında Pobednaya özeni üzerindeki köpür tüşti. Mayıs 22 künü Qırımnıñ Fevqulâde işler Nazirliginiñ matbuat hızmeti bildirgeni kibi, zarar körgen insanlar yoqtır.

«Saat 14.10 Babatay ve Qamacı köyleri arasında avtomobil yolunda Pobednaya özeni üzerindeki köpür tüşkeni aqta haber keldi», – denile beyanatta.

Qoruyıcılar şunı qayd ettiler ki, şimdi köpür boyunca areket GİBDD hadimleri tarafından qapatılğan. Naqliyat Tarhanlar köyünden keçe. Meskün yerlerniñ yaşayış faaliyeti bozulmağan, – deyler nazirlikte.

Vaqia yerine Qırımnıñ yanğınğa qarşı hızmetiniñ yanğın-qurtarıcı bölüginiñ hadimleri keldi. Qaza sebepleri aqta malümat şimdilik yoq.

XS
SM
MD
LG