Qırımtatar Milliy Meclis azası Abmeсit Suleymanov Ukraina Baş prokuraturası yanında QMC prokurorı Qırım sakini olmaq kerekligini tüşüne.
Bunı o mayıs 22 künü Kiyevde keçirilgen brifingde bildirdi, haber ete Qırım.Aqiqat.
«QMC prokuraturasınıñ terkibinde Qırım ne olğanını, andaki vaziyetni añlağan tek üç insan bardır. Prokuratura yolbaşçısı «Avdet» gazetası, «Qırım» Fondu», ATR ne olğanını bilmese, teessüf ki, areketleri de aynı olur», – dey Suleymanov.
Al-azırda QMC prokuraturasınıñ başı 2014 senesi sentâbr 1-de tayin etilgen Vasiliy Sinçuktır. Evel Poltava ve Harkov vilâyetleriniñ prokurorı edi.
Sinçuk Qırım.Aqiqatqa bu kibi tenqitni temelsiz olaraq adladı.
«Yolbaşçı ve insan olaraq Eduard Logvinskiy ile sıqı munasebetim bar. Bundan da ğayrı, er vaqıt Andrey Sençenko – belli siyasiy erbap ile bağ tutamız. Şunıñ içün bizler içün müim meselelerni biz qanunğa köre çezemiz», – dedi prokuror.
QMC prokurorı Vasiliy Sinçuk qırımlılarnı işğal etilgen yarımadada yapılğan bozuluvlar aqqında haber etmege çağırdı.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta
