Link açıqlığı

Vatandaşlıq serbestligi Merkeziniñ reisi, uquq qoruyıcı Aleksandra Matviyçuk bildirgeni kibi, soñ üç ay içinde Qırımda yerli uquq qorçalayıcıları siyasiy sebeplerden 22 tintüv keçirdiler.

Bunı o Kiyevde mayıs 22 künü 2015 senei baarde Qırımda insan aqlarınıñ bozuluvı aqta prezentatsiya vaqtında bildirdi, haber ete Qırım.Aqiqat.

Uquq qoruyıcınıñ fikrine köre, Ukraina akimiyeti ve halqara teşkilâtları Qırımğa biraz diqqatlıca olmalı.

«Ukraina akimiyeti taqip etilgen qırımlılarğa faal yardım etmeli. Dünya memleketlerini Qırımğa nezaret eyyetlerini yollamağa çağıramız», – dedi Matviyçuk.

Qırımda uquq qoruyıcı organlar faaller, jurnalistler, Meclis azalarında keçirilgen tintüvler boyunca, adet üzre, izaat bermeyler.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG