Link açıqlığı

Qırım taqiqat komiteti 10 yaşında balanıñ ölümini taqiq ete


Qırımda Rusiye Taqiqat komitetiniñ idaresi mayıs 21 künü 10 yaşında oğlançıqnıñ öz-özüni öldürüvini taqiq ete. Bildirilgeni kibi, işbu vaqia boyunca cinaiy iş açıldı.

Qırım Taqiqat komitetiniñ matbuat hızmeti bildirgeni kibi, cinaiy iş Rusiye Cinaiy kodeksiniñ 110 maddesine köre cinayet terkibi hususiyetleri boyunca açıldı.

«Taqiqatnıñ malümatına köre, 2015 senesi mayıs 21 künü Lenin rayonınıñ köyleri birinde 10 yaşında oğlançıq öz eviniñ azbarında özüni öldürdi. Al-azırda yüz bergen vaqia şaraitleriniñ belgilenmesine yönelgen taqiqat areketleri keçirile», – denile beyanatta.

Cinaiy işnin taqiqatı devam ete. Diger tafsilâtlar aqqında malümat yoq.

Evel Qırım Taqiqat komitetinde Razdolnoye rayonında 16 yaşında qıznıñ öz-özüni öldürüvi boyunca cinaiy işniñ açılması aqta bildirgen ediler.

XS
SM
MD
LG