Link açıqlığı

Zubkov: Yalta ayvanat bağçasınıñ ayvanlarını yuqlatmaq, Qırım obyektlerimni qapatmaq isteyler


Ukraine, Crimea - The owner of a safari park "taigan" Oleg Zubkov, 11Apr2015

Qırım iş adamı, «Skazka» Yalta ayvanat bağçasınıñ ve Qarasuvbazarda «Taygan» safari bağçasınıñ saibi Oleg Zubkovğa Yalta baytar şifahanesinden mektüp keldi. Mında evel yuqlatılğan ayvanlarnı mayıs 22 künü baquvğa bermege avale etile.

Baytar hızmetiniñ mektübini Zubkov Qırım.Aqiqatqa kösterdi.

Şu cümleden, mektüpte aytılğanı kibi, tuberkulin ilâcını alğan «Skazka» ayvanat bağçasınıñ ayvanları 21:00 – 22:00 saatleri arasında berilmeli.

«Bermek sözü ne manada kelgeni aqta sualge ekim olarnı kene yuqlatmağa kerek olğanını bildirdi. Böylece baytar mütehassısları evel yapılğan ilâcğa reaktsiyanı baqacaq olalar», – dey Zubkov.

O şunı da qayd etti ki, baytar hızmeti ve Qırım prokuratura hızmetçilerine işanmağanını bildire ve verem tabiatını bilgen ve ayvanlarda onı tapıp olğan mustaqil mütehassıslarnı seslenmege çağıra.

«Skazka» ayvanat bağçasına qarşı bu kirli tarikni azırlağan ve «Skazka» ve «Taygan» bağçalarını qapatmaq kibi maqsadı olğan baytar ve Qırım prokuraturası hadimlerine işançım yoq», – dey Zubkov.

Qırımlılarğa yazğan mektübinde Zubkov Qırımnıñ Rusiyege «qoşuluvından» soñ olğan aqiqattan közü qaytqanını bildire.

«Qırım akimiyetiniñ Rusiye terkibine keçmesi ve ükümetke sahte vatanperverlerniñ kelmesi ile maña ve bağçalarıma böyle munasebet, Qırım yolbaşçılığından lâqaytsızlıq, atta açıq nefret duyacağımnı tasavur bile etmey edim», – denile Zubkovnıñ muracaatında.

Evel Zubkov Qırım prokuraturası ve baytar hızmetiniñ temsilcilerini ayvanlarğa olğan qaba davranışları içün qabaatladı. Nezaret etici organlarınıñ vekilleri «Skazka» Yalta ayvanat bağçasında sanki verem hastalığı olğan ayvanlarnı yuqlatqan edi. Ayvanat bağçasınıñ saibi Rusiye Baş prokurorına hızmeçtilerniñ faaliyetini teşkermek ricası ile bulundı.

XS
SM
MD
LG