Link açıqlığı

Qırımda faaller İçki İşler rayon bölüginde «vışıvanka paradını keçirdiler


Veldar Şukurciyev Ermeni Bazarda mayıs 21 künü 2015 senesi

Cumaaqşamı künü, mayıs 21-de, Rusiye politsiyası tarafından yaqalanğan Qırım faalleri Facebook içtimaiy ağında Ermeni Bazarnıñ İçki İşler rayon bölüginde çıqarğan fotolarını paylaştı. Fotoresimlerde vışıvanka kiygen ukrain faalleri yaqalanğanlarnıñ boylarını ölçegen tahta yanında tura.

Qırım.Aqiqatqa faali Veldar Şukurciyev aytqanı kibi, Ermeni Bazarnıñ İçki İşler rayon bölüginde yaqalanuv – «şahıs teşkerüvi» olaraq añlatıla.

«Öyle dey ediler, sanki bizde yasaqlanğan, havflı şeyler, patlav aletleri, edebiyat, risaleler ola bilgeni aqta malümat peyda oldı», – dey Veldar Şukurciyev.

Qırım.Aqiqat bildirgeni kibi, mayıs 21 künü «İnter» ukrain telekanalınıñ üç mühbirini ve Ukrainağa qoltutqan dört faalni Rusiye politsiyası Aqmescit-Ermeni Bazar yolunda yaqaladı. Faallerniñ malümatına köre, yaqalanğanlarnı rayon bölügine şahsiyetlerini belgilemek içün alıp keteler.

Ermeni Bazar şeeriniñ İçki işler rayon bölüginde olğan çoq saatlik sorğudan soñ yaqalanğan Leonid Küzmin, «İnter» telekanalınıñ operatorı Vitaliy Zâtkovskiy ve daa eki faalni azat ettiler

Küzmin aytqanı kibi, politsiya hadimleri fallerden olarnıñ Ermeni Bazarda ne iş yapqanları aqta soray ediler. Parmaq izlerini aldı, foto yaptılar

Qırım faalleri Leonid Küzmin ve Veldar Şukurciyev Aqmescitte mart 9-da Taras Şevçenkonı añma aktsiyasında yaqalanğan ediler. Mahkeme olarnı ukrain timsallerini qullanğanlarından sebep 40 saatlik mecburiy işelr ile cezaladı. Soñra ise cezanı deñiştirip, er birine 10 biñ rublelik para cezasını belgiledi. Faaller Qırımdaki Ukrain medeniyet merkeziniñ tesisçileri olalar

XS
SM
MD
LG