Aqyar alâ daa Rusiye bücetinden şeerniñ inkişafı boyunca yekâne federal programması çerçivesinde maliyeviy destekni körmedi. Bunı şeer valisi Sergey Menâylo cumaaqşamı künü, mayıs 21-de, Ükümet Evinde brifing devamında bildirdi.
«Forpost» neşiri bildirgeni kibi, tedbirniñ başında 2015 senesi birinci çerigi devamında şeer iqtisadiyatında olğan yeñişler aqta qırq daqqalıq maruzadan başlandı.
Maruzadan soñ, jurnalistler Aqyar bugünge federal bücetinden ne qadar aqa alğanı aqta sual berdiler. Menâylo aqça alâ daa kelmegenini bildirdi.
«Yekâne federal programması boyunca şimdlik bir kapik bile almadıq, çünki bücet mecburiyetleri tasdiqlanmadı», – dedi o.
Meynâlo şunı dedi ki, bugün yekâne federal programmasında deñişüvler Rusiye ükümetinde baqıla, keçken afta toplaşuv ötkerilgen edi.
