Qırımnıñ dört şeerinde suv teminlevine eñ yüksek fiyat belgilendi. Qırım Cumhuriyetiniñ fiyat ve tarif boyunca Devlet komitetiniñ başı Оlga İgoşina aytqanı kibi, bular – Sudaq, Qarasuvbazar, Bağçasaray ve Canköy, dep haber ete Krıminform.
Böyle malümatnı mayıs 21 künü Aqmescitte keçirilgen toplaşuvda bildirdiler.
Memurnıñ sözlerine köre, suv kanallarınıñ hızmet fiyatları yarımadada 8-21 ruble etrafında deñişe.
«Olduqça ciddiy bir farq. Bunıñ ile suv teminlevine eñ palı fiyatlar – Sudaq, Qarasuvbaza, Bağçasaray şeerlerinde belgilene. Suv çeküvi boyunca – Qarasuvbazar, Canköy ve Bağçasarayda», – dey o.
Onıñ aytqanı kibi, Kezlevde suv hızmetlerine eñ ücüz fiyatlar belgilene.
