Link açıqlığı

Çehiya paytahtı Pragada mayıs 20-de qırımtatarlarnıñ milliy lideri, Ukraina halq deputatı Mustafa Cemilev halq deputatı İrina Geraşçenko ile beraber Donbass adiselerinen bağlı fotoresimler sergisini açtılar.

«Ukrainanıñ aqiqiy dostu, Çeh parlamentiniñ deputatı Kristina Zelenkovanıñ güzel bir teşebbüsi. Deşetli fotoresimler bu güzel şeerde daa qorqunçlı köründiler: bu deşet Avropa paytahtlarınıñ memurları ve havfsızlığı ile pek farqlı», – dep yazdı Geraşçenko Facebookta.

Onıñ aytqanına köre, olar «Çeh parlamentiniñ Assotsiatsiya añlaşmasını tasdıqlav tedbirine ve Ukrainanıñ dostları ile fotosergisini açmaq içün» Pragağa davet etilgen ediler.

«Kiçik eyyetimizniñ başında Mustafa Cemilev oldı. 68 senesi o sovet tanklarınıñ Praga işğaline qarşı çıqtı ve üç yıl sovet apishanelerinde yattı: çeh ve slovaklarnıñ serbest olmaq aqqları içün», – dep yazdı Geraşçenko.

2014 senesi yazda Praganıñ soqaqlarında qırımtatar lideri Mustafa Cemilev ile bilbordlar peyda olğan edi. Fotoresimniñ altında Meclisniñ sabıq reisiniñ sözleri yazılğan, Cemilev Çeh lideriniñ Qırım işğaline razı olmaq çağıruvını takbih ete.

2014 senesi mart ayında Rusiye yarımadanı işğal etti. Moskva buña «birleşüv» dep ayta. Ukraina, AQŞ, Avropa Birligi ve diger memleketler işğalni tanımayıp, Rusiyeni cezalaylar.

XS
SM
MD
LG