Link açıqlığı

Prokuratura: qırımlı daireden çıqmaq istemeyip, özüni yaqacaq oldı


Aqyar sakini yaşağan dairesine mahkeme vekilleri kelgen soñ özüni yaqmağa tırıştı. Aqyarnıñ Rusiye prokuraturasınıñ matbuat hızmeti bildire ki, qadın dairede qanunsız alda yaşadı.

«Aqyarnıñ Gagarin rayonı mahkemesi qabul etken qararına binaen, vatandaş Proletarskaya soqağındaki evni boşatmaq kerek edi. Mahkeme vekilleri kelgen soñ qadın üstüne yanğın qarışmasını tökip, eline çaqmaq aldı ve özüni yaqacam dep, qorquzmağa başladı», – dep aytıla beyanatta.

Matbuat hızmeti bildire ki, qadın em özüniñ, em oğlunıñ, em de mahkeme vekilleriniñ ayatını telükege oğrattı.

Prokuraturanıñ malümatına köre, qadınnıñ qollarından çaqmaqnı tutıp aldılar.

Aqyarnıñ Rusiye Federatsiyasınıñ Taqiqat komiteti taqiqat idaresi Aqyar sakinine qarşı 318-inci maddesiniñ 1-inci qısmı boyunca cinaiy iş açtı (akimiyet vekiline nisbeten zorbalıq).

Bunı tasdıqlağan bir de bir malümat yoq, özüni yaqmağa tırışqan qadınnıñ izaatları da yoq.

XS
SM
MD
LG