Link açıqlığı

Saatnıñ esas haberi

Ukraina Rusiye ile arbiy-tehnikiy işbirligini toqtata – Yatsenük


Ukraina 1993 senesinden berli qullanılğan Rusiye ile arbiy-tehnikiy işbirligi añlaşmasını bozdı.

Bu aqqında Ukraina baş naziri Arseniy Yatsenük Ukraina ükümetiniñ toplaşuvında ayttı.

Onıñ bildirgenine köre, «Ukraina devleti ve onıñ topraq bütünligi içün telükeli olğan» «istilâcı devlet ile» arbiy-tehnikiy işbirlik yapmaq imkânsız.

Keçken sene yazda Ukraina prezidenti Petro Poroşenko Rusiye ile arbiy-sanayı kompleksi saasında iş tutmağa yasaq etti. Ukraina ükümeti ise kâinat tehnikasından ğayrı bütün arbiy malnı Rusiyege ihrac etmege yasaq etti.

Ukraina, AQŞ, Avropa Birligi Rusiyeni qanunsız Qırım işğalinde ve Donbass zıddiyetinde boyeviklerge köstergen yardımında qabaatlaylar. Moskva qabaatını red etip, Ukrainada «göñülliler» cenkleşkenini bildire.

XS
SM
MD
LG