Link açıqlığı

Yolcularnıñ sayısı eksilgeninden sebep Moskva ve Tallinn arasında demir yol alâqaları aman-aman 65 yıl içinde ilk sefer toqtatıldı.

GoRail Estoniya demir yol şirketi bildire ki, Avropa Birliginiñ Rusiyege qarşı cezalarından sebep Estoniyanı ziyaret etken rusiyelilerniñ sayısı eksildi, böyle etip Tallinn-Moskva seferi kelirsiz oldı, dep bildire Golos Ameriki.

GoRail vekili Kersti Gorstov bildirgenine köre, soñki Moskva treni Tallinnge salı künü keldi.

Bu seferlerni kerçekleştirgen şirket bu ay Sankt-Peterburg seferinden de vazgeçti.

ERR Estoniya milliy teleradiokompaniyası qayd etkenine köre, 65 yıl içinde ilk sefer Estoniya ve Rusiye arasında demir yol alâqalarından faydalanğan yolcular yoq.

Estoniya sabıq sovet cumhuriyeti 1991 senesi mustaqil oldı. 2004 senesinden itibaren memleket Avropa Birligi ve NATO azası ola.

AQŞ, Avropa Birligi ve bir sıra diger memleket Rusiyege qarşı cezalar kirsetti. Bunıñ sebebi Qırım işğali ve Donbass zıddiyetinde Moskvanıñ rolü oldı. Moskva qabaatını red etip, Ukrainada «göñülliler» cenkleşkenini bildire.

XS
SM
MD
LG