Qırım faali, yarımadada Ukrain medeniyet merkeziniñ tesisçilerinden biri Leonid Kuzmin mayıs 21-de qırımlılarnı içtimaiy ağlarda flash mob keçirmege davet ete.
«Vışivanka (ukrain milliy kölmegi – muar.) künü meraqlı bir aktsiyanı keçirmege teklif etem! Vışivankası olğanlarnı onı kiyip, foto çıqara ve Facebook ya da Vkontakte içtimaiy ağındaki saifesinde qoya», – dep yazdı Kuzmin Facebookta.
Er yıl mayısnıñ üçünci cumaaqşamı künü halq ananelerini saqlap qalmaq içün bütün Ukraina vışivanka künü qayd etile. Bayram bir de bir devlet ya da din bayramınen bağlı degil. Bu kün er bir ukrain vışivankanı kiyip, iş, universitet, mektepke bara bile.
