Link açıqlığı

Kiyevde köçip kelgenler içün «Bir tarafqa bilet» serlevalı sanalaştıruvnı kösterecekler


Ukraine, Crimea - Warehouse humanitarian aid Crimea SOS in Kiev, 6Feb2015

Kiyevde mayıs 22 künü Qırımdan köçip kelgenlerge forum-teatr şeklinde «Bir tarafqa bilet» serlevalı sanalaştıruvnı kösterecekler. Qırım.Aqiqat aytqanı kibi, tebdir teşkilâtçıları – «Dialog içün teatr» ve «Krım SOS» cemaat teşebbüsi, spektakl iştirakçileri – Qırım ve Ukraina şarqından köçip kelgenler.

Köçip kelgenler sanalaştıruv üzerinde bir aydan ziyade çalıştı. Sanalaştıruv köçip kelgen şahıslarnıñ qıyınlıqları aqta tarif ete.

«Saña ofis, evine kelip, sen mında artıq işlemeceñ, yaşamacañ aytılğanda, haberlerde köçip kelgenler aqta yazılğanından farqlı bir şey olğanı añlayışıla. Forum-teatr yardımı ile yaşağan adiselerimizden olğan duyğularımıznı añlatacaq olamız», – dey sanalaştıruv iştirakçilerinden biri

Forum-teatr degende, er bir seyirci sanalaştıruvda iştirak etip, meselelerden öz çıqış yollarını teklif ete bileler.

«Farqlımız, amma aqlarımız bir. Etraftaki problemlerge ya lâqayt ola bilemiz, ya dialog tizmelimiz. Teatr tilinde dialog qurmağa teklif etemiz», – deyler teşkilâtçılar.

​Tedbir Dovjenko adına Kinostudiya territoriyasında Diya ilim ve sanat merkezinde keçecek. Bunıñ ile Puşça-Voditsada yaşağan köçip kelgenler içün de ayrı numayış keçirilecek.

XS
SM
MD
LG