Aqmescitte memuriy mesüliуetke mayıs 18 künü qırımtatar sürgünliginiñ yıllığına keçirilmesi planlaşıtırılğan avtoyürüşniñ sekiz iştirakçisi mesüliуetke çekildi.
Bunı «Moskva – Aqmescit» video köpüri vaqtında Qırımnıñ Rusiye baş nazir muavini Ruslan Balbek bildirdi, haber ete Krım.Media.
Onıñ malümatına köre, umumen 29 insan yaqalandı, olardan çoqusı – çağına yetmegen balalardır.
Balbek añlatqanı kibi, sürgünlik qurbanları ruhuna keçirilgen dua merasiminde iştirak etip, gençler «duyğulanıp», Aqmescit soqaqlarında qanunsız avto yürüşni teşkil ettiler.
Jurnalistlerge izaat berip, Qırımnıñ Rusiye baş naziri iştirakçilerge yüklengen memuriy para cezalarını öz esabına ödemege azır olğanını bildirdi.
Gençler Balbekniñ teklifi ile razı oldılarmı, belli degil.
Qırım.Aqiqat bildirgeni kibi, mayıs 18-de Aqmescitte uquq qoruyıcı organlarnıñ hadimleri qırımtatar sürgünliginiñ qurbanları hatırasına keçirilgen avtoyürüş iştirakçilerini «Zapadnaya» avtostantsiyasında blok ettiler. Avtoyürüş iştirakçileri yaqalanıldı.
Altı saat devam etken sorğudan soñ avtoyürüş iştirakçilerini boşattılar.
