Ukraina Yuqarı şurasınıñ deputatı Georgiy Logvinskiy yarımadanıñ işğalinden soñ antını deñiştirip, Rusiye prokuraturasına işlemege keçken Qırım prokuraturasınıñ 144 hadimine qarşı cinaiy işlerniñ açılmasında Natalya Poklonskayanıñ avalesi ile yarımadada basılğan prokurorlarnıñ malümat kitabı yardım etkenini bildirdi.
Bunı o Facebookta bildirdi.
«Qırım «prokuraturası» tarafından basılğan malümat kitabı Qırım prokurorları arasında Ukraina satqınlarınıñ tafsilâtlı cedvelidir. Delillerniñ toplanmasında ciddiy bir yardım. Böylece Poklonskaya (Qırım prokurorı – muar) satqınlıq boyunca zenaatdaşlarını «sattı», – yazdı Logvinskiy.
Evel Ukraina Baş prokuraturası Qırım prokuraturasınıñ 144 sabıq hadimini devlet hainliginde qabaatladı.
Taqiqatnıñ malümatına köre, prokuraturanıñ bu hadimleri Ukraina qanuniyetine qarşı ketip, «Ukraina prokuraturası hadiminiñ antını bozıр, Rusiye Federatsiyasınıñ Qırımnı işğal etkeninden soñ, qanunsız teşkil etilgen Qırım Cumhuriyeti prokuraturasına keçti».
