Aqmescitte mayıs 19-da Yüksek mahkeme mart 9-da olıp keçken ukrain şairi T.Şevçenkonı añma aktsiyasında ukrain timsalleri içün 40 saatlik mecburiy işler ile cezalanğan Leonid Kuzminniñ apellâtsion şikâyetini baqtı.
Kuzminniñ bildirgenine köre, mahkeme mecburiy işler yerine 10 biñ rublelik para cezasını berdi.
«Mahkeme meni qabaatlı olaraq köre», – dedi Kuzmin. O, işbu qarardan şikâyet etecegini red etmey.
Qırımnıñ mahkeme ya da uquq qoruyıcı organları bu qararnı izaatlamaylar.
Aprel 20-de mahkeme daa bir Qırım faal Veldarr Şukurciyevniñ apellâtsion şikâyetini baqıp, Demir yol mahkemesiniñ qararını lâğu etti ve oña da 10 biñ rublelik para cezasını berdi.
Malüm olğanı kibi, Qırım faalleri Aleksandr Kravçenko, Leonid Kuzmin ve Veldar Şukurciyev mart 9-da Aqmescitte ukrain şairi Taras Şevçenkonı añma aktsiyasında yaqalanğan ediler.
Mart 12-de Qırımda mahkeme ukrain timsallerini qullanğan faallerni cezaladı. Er birini 40 saatlik mecburiy işlernen cezalardılar.
