Qıtaiy Ukrainada Donbass ve Qırımdan köçip kelgen 1 million 290 biñ kişi qayd etildi.
Bunı Ukraina içtimaiy siyaset nazirliginiñ matbuat hızmeti bildire.
«Vilâyet ve Kiyev devlet memuriyetiniñ ealisini içtimaiy qoruv bölükleriniñ malümatına köre, 2015 senesi mayıs 18-ğa qadar Donbasstan ve Qırımdan köçip kelgen 1292834 adam cedvelge alındı», – dep aytıla beyanatta.
Nazirlikniñ malümatına köre, 303 biñ qoranta maddiy yardımnı aldı.
Aprel ayından Birleşken Milletler Teşkilâtı bergen malümatına köre, Ukraina şarqındaki zıddiyetten 5 million insan zarar kördi.
Qırımtatarlarnıñ lideri Mustafa Cemilev bildire ki, Qırım işğali devamında yarımadanı 35 biñ insan terk etti, olardan yarısı – qırımtatarlardır.
