Ukrain rok çalğıcısı, «Okean Elzy» taqımınıñ vokalisti Svâtoslav Vakarçuk mayıs 18-de Kiyevdeki kontsertinde qırımtatarlarğa qoltuttı. Sanada çıqışta bulunıp, qırımtatarlarnıñ milliy bayrağını açtılar.
Bunı Ukraina halq deputatı Vladimir Aryev Facebookta bildirdi.
«Slava Vakarçuk ve «Ukraina» sarayınıñ bütün zalı ayaqqa turıp, qırımtatarlarğa qoltuttılar: beraber olsaq – küçmiz», – dep yazdı Aryev.
Vakarçuknıñ özü qırımtatar halqınıñ sürgünligi yıllığında Twitterde yazdı: «Köpürni yoq etmek mümkün, lâkin özenni toqtatamazsıñ. Adamlarnı sürgün etersiñ, amma canlarını sürgün etemezsiñ».
Mayıs 18-de Kiyevde ve Ukrainanıñ diger şeerlerinde, em de çetelde Qırımtatar halqı sürgünliginiñ qurbanlarınıñ hatırasına matem tedbirleri olıp keçti. Bu kün 1944 senesi yarımadadan qırımtatarlarnen tolu birinci eşelon Orta Asiyağa yollanğan edi.
