Link açıqlığı

Kiyevde qırımtatar sürgünligi qurbanlarınıñ hatıra mitingi olıp keçti (canlı yayın yekünlendi)


Kiyevdeki Mustaqillik meydanında mayıs 18-de qırımtatar halqı sürgünliginiñ qurbanları hatırasına bağışlanğan miting olıp keçti. Tedbirde qırımtatar milliy areketiniñ iştirakçileri ve falleri iştirak ettiler. Qırım.Aqiqatnıñ canlı yayını yekünlendi.

Mitingde Ukraina ve Avropanıñ bir sıra cemaat erbabı çıqışta bulundı. Ukraina milliy cemiyetleri kongressiniñ reisi, sovetler lagerleriniñ siyasiy mabusı İosif Zissels, Qırım cemaat erbabı Andriy Şçekun, «Krım» bölüginiñ komandanı İsa Akayev, Litva tatarları birliginiñ reisi, Litva Cumhuriyeti baş naziriniñ millet meselleri mesleatçısı Qırımtatar Milliy Meclisiniñ Litva vekili Adas Yakubauskas, Qırımtatar Milliy Meclisiniñ reisi Refat Çubarov çıqışta bulunacaqlar.

Malüm olğanı kibi, mayıs 18-de Ukrainada Qırımtatar halqı sürgünliginiñ qurbanları hatırasına bir sıra tedbir keçirilmekte.

Mayıs 18 künü – Qırımtatar halqı sürgünliginiñ hatıra künü. Bu kün 1944 senesi qırımtatarlarnen tolu birinci eşelon Orta Asiyağa yollandı. Umumen 180 biñ insandan ziyade sürgün etilgen edi.

XS
SM
MD
LG