Link açıqlığı

Saatnıñ esas haberi

Kiyevniñ merkezinde qırımtatarlarğa qoltutuv mitingi keçirilecek (canlı yayın)


Kiyevdeki Mustaqillik meydanında mayıs 18-de Qırımtatar halqı sürgünliginiñ qurbanları hatırasına matem mitingi keçirilecek. Tedbirde qırımtatar milliy areketiniñ iştirakçileri ve falleri iştirak etecekler.

Resmiy malümatqa köre, matem mitingi saat 18-de başlaycaq, Qırım.Aqiqatnıñ canlı yayını saat 18.30-başlaycaq.

Malüm olğanı kibi, Ukrainada mayıs 18-de Qırımtatar halqı sürgünliginiñ qurbanları hatıra künü munasebetinen hatıra tedbirleri keçirilmekte.

Mitingde Ukraina ve Avropanıñ bir sıra cemaat erbabı çıqışta bulunacaq. Ukraina milliy cemiyetleri kongressiniñ reisi, sovetler lagerleriniñ siyasiy mabusı İosif Zissels, Qırım cemaat erbabı Andriy Şçekun, «Krım» bölüginiñ komandanı İsa Akayev, Litva tatarları birliginiñ reisi, Litva Cumhuriyeti baş naziriniñ millet meselleri mesleatçısı Qırımtatar Milliy Meclisiniñ Litva vekili Adas Yakubauskas, Qırımtatar Milliy Meclisiniñ reisi Refat Çubarov çıqışta bulunacaqlar.

Mayıs 18 künü – Qırımtatar halqı sürgünliginiñ hatıra künü. Bu kün 1944 senesi qırımtatarlarnen tolu birinci eşelon Orta Asiyağa yollandı. Umumen 180 biñ insandan ziyade sürgün etilgen edi.

XS
SM
MD
LG