Link açıqlığı

Qırımda bazarertesi künü, mayıs 18-de, politsiya «Za prava çeloveka» («İnsan aqları içün») neşiriniñ jurnalistlerini yaqaladı. Bunı Qurultay Merkeziy saylav komissiyasınıñ reisi Zair Smedlâyev Facebook saifesinde bildirdi, dep haber ete Qırım.Aqiqat.

Onıñ aytqanına köre, jurnalistler Aleksey Russkih ve Yekaterina Lısenkonı politsiya hadimleri vokzalda yaqaladılar.

«Al-azırda olar Jeleznodorojnıy rayonınıñ politsiya bölüginde bulunalar», – dep ayttı Smedlâyev.

Qırım politsiyası izaatlar bermey.

Qırım.Aqiqat bildirgeni kibi, mayıs 18-de Aqmescitte uquq qoruyıcı organlarnıñ hadimleri qırımtatar sürgünliginiñ qurbanları hatırasına keçirilgen avtoyürüş iştirakçilerini «Zapadnaya» avtostantsiyasında blok ettiler.

Aman-aman 60 kişini yaqaladılar.

Mayıs 18 künü – Qırımtatar halqı sürgünliginiñ hatıra künü. Bu kün 1944 senesi qırımtatarlarnen tolu birinci eşelon Orta Asiyağa yollandı. Umumen 180 biñ insandan ziyade sürgün etilgen edi.

Qırım işğalinden evel sürgünlik yıllığında Aqmescitte Bütünqırım matem mitingi keçirile edi, tedbirde onlarnen biñ insan iştirak ete edi.

Bu sene Qırımtatar Milliy Meclisine miting keçirmege izin bermediler.

Qırım akimiyeti sürgünlik qurbanlarınıñ hatıra kününiñ «yañı formatını» belgiledi.

XS
SM
MD
LG