Link açıqlığı

Mayıs 18-de tañ atqanda qırımtatarlar Ankaradaki Rusiye Elçihanesiniñ yanına miting keçirmege keldiler


Mayıs 18-de saba erte Ankaradaki Rusiye Federatsiyasınıñ elçihanesi yanında bir qaç qırımtatarı qırımtatar halqınıñ sürgünliginiñ 71 yıllığına bağışlanğan narazılıq aktsiyasını keçirdi.

Aktsiya iştirakçileri Ankara Rusiye elçihanesiniñ yanına 1944 senesi mayıs 18-de qırımtatarlarnı Qırımdan sürgün etmege başlağan vaqıtta, saba saat 4-te keldiler.

Faallerniñ qollarında qırımtatar bayraqları bar edi. Qırımtatar gimnini icra etip toplaşqanlar «Allahu Ekber», «Millet. Vatan. Qırım», «İşgalci Rusya Kırımdan defol» şiarlarını seslendirdiler.

Elçihane bekçisi aktsiya iştirakçileriniñ yanına keldi ve «vatandaşlar raatsız ola» dep, ketmege ve aktsiyanı yekünlemege rica etti. Miting iştirakçileri cevap berdi: «Halqımız bu saatte sürgün etildi».

Maysı 17-de Ankarada qırımtatar sürgünligi halqınıñ 71 yıllığına bağışlanğan büyük matem mitingi olıp keçti.

Mayıs 18 künü – Qırımtatar halqı sürgünliginiñ hatıra künü. Bu kün 1944 senesi qırımtatarlarnen tolu birinci eşelon Orta Asiyağa yollandı. Umumen 180 biñ insandan ziyade sürgün etilgen edi.

XS
SM
MD
LG