Link açıqlığı

Ukraina havfsızlıq hızmeti qırımtatar sürgünligine dair aydınlatılğan 10 tomluq işlerni Çubarovğa berdi


Ukraina havfsızlıq hızmeti qırımtatar sürgünligini taqiq etken gruppanıñ işini ğayrıdan tikledi, dep bildirdi SBU (UHH) reisi Valentin Nalivayçenko. O, sovetler zamanınıñ qırımtatarlar boyunca aydınlatılğan işlerni Qırımtatar Milliy Meclisiniñ reisi Refat Çubarovğa teslim etti.

Onıñ aytqanına köre, işbu gruppa 2009 senesi meydanğa ketirilgen edi, Ukraina prezidenti Viktor Yanukoviç olğan soñ faaliyetini toqtattı. SBU reisi dey ki, yaqın vaqıtta taqiqat çerçivesinde protsessual qarar qabul etilecek. SBU reisi Valentin Nalivayçenko Sovetlerniñ Devlet havfsızlığı komiteti apiske alğan ve yoq etken 19 qırımtatarı boyunca aydınlatılğan cinaiy işlerniñ 10 tomunı Meclis reisi Refat Çubarovğa berdi.

Vesiqalarnıñ kopiyalarını mayıs 18-de Kiyevdeki Ukraina havfsızlıq hızmetiniñ binasında teslim ettiler. Nalivayçenkonıñ bildirgenine köre, bunıñ kibi vesiqalarnı qırımtatarlarğa altıncı kere bereler.

Mayıs 18 künü – Qırımtatar halqı sürgünliginiñ hatıra künü. Bu kün 1944 senesi qırımtatarlarnen tolu birinci eşelon Orta Asiyağa yollandı. Umumen 180 biñ insandan ziyade sürgün etilgen edi. Umumen 180 biñden ziyade kişi sürgün etildi.

XS
SM
MD
LG