Link açıqlığı

Saatnıñ esas haberi

Bağçasaray memurları qırımtatarlarnıñ sürgünligi hatırasına mavı şeritçiklerni taqtılar


Qırımda Bağçaray rayon şurasınıñ başı Refat Derdarov qırımtatarlarnıñ sürgünligi yıllığına Bağçasarayda mavı şeritçiklerniñ tarqatılğanı aqta bildire.

Bunı o Facebook saifesinde yaza ve bağrılarına şeritçiklerni baylağan qadınlarnıñ fotolarını paylaşa.

«Bugün, mayıs 18-de, Bağçasaray rayon şurasınıñ binası yanında gençler Qırımdan sürgün olunğan halqlarğa yardım etmege istegenlerge mavı şeritçiklerni tarqattı. İnsanlarnıñ aytqanı kibi, bu kibi tedbirler Qırım halqlarını birleştire», – dey Derdarov.

Evel Qırımnıñ Rusiye akimiyeti mavı şerit – Qırımnıñ repressiyalarğa oğrağan halqlarına birdemlikniñ timsali olacağını bildirgen edi.

Bazarertesi künü, mayıs 18-de, Qırımdan qırımtatar halqınıñ sürgünligi 71 yıllığı munasebeti ile Ukraina ve tışında bir sıra hatıra tedbiri keçirilecek.

Şu künleri Kiyev, Harkov, Herson, Lviv ve diger şeerlerde de bu kibi tedbirler keçirildi.

Er sene Qırımda sürgünlik yıllığı munasebeti ile kütleviy tedbirler, şu cümleden Aqmescit merkezinde matem mitingi keçirile edi. Amma Rusiyeniñ Qırımnı zapt etkeninden soñ Aqmescit merkezinde bu kibi tedbirlerni keçirmege yasaq ettiler.

Mayıs 18 künü – Qırımtatar halqı sürgünliginiñ hatıra künü. Bu kün 1944 senesi qırımtatarlarnen tolu birinci eşelon Orta Asiyağa yollandı. Umumen 180 biñ insandan ziyade sürgün etilgen edi.

XS
SM
MD
LG