Lvivde mayıs on yedisi, aqşam, ukrain şairi Taras Şevçenko abidesi yanında onlarce qırımtatarı ve Lviv sakinleri qırımtatarlarnıñ sürgünligi hatırasına çıraq yaqqanlar.
Radіo Svoboda aytqanı kibi, mında da aktsiya iştirakçileri çıraqlardan Qırım yarımadası, «71» raqamı ve ukrain ile qırımtatar timsalleri – trizubets ve tamğanı yapqandar. Ellerinde ukrain ve qırımtatar bayraqlarını tuta ediler.
Tedbirde qırımatatarlarnıñ yarımadadan sürgün etilgeni ve quvğunlıqtaki yaşayışı aqta tarif ettiler.
«Yüregiñde ateş yaq» aktsiyası er sene qırımtatarlarnıñ sürgünligi yıllığında keçirile.
Lvivde «Krım SOS» teşkilâtı şeer civarındaki vokzalnıñ yük vagonında sanalaştıruvnı keçirdiler. Bu kibi vagonlarda mayıs 18-ne keçer gecesi NKVD silâlı hadimleri mecburen qırımtatarlarnı sürgün etken edi.
Qırımtatarlarnıñ sürgünligi yıllığına bağışlanğan «Yüregiñde ateş yaq» aktsiyası Ukraina şeerleri ve çetelde keçti. Aqmescitte bu tedbir demir isarları ile keçirildi, bir sıra jurnalistni ise aktsiyağa kirsetmediler.
Kiyevde mayıs 18 künü facia yıllığı munasebeti ile bir sıra tedbirniñ keçirilmesi beklenile, şu cümleden matem mitingi.
Mayıs 18 künü – Qırımtatar halqı sürgünliginiñ hatıra künü. Bu kün 1944 senesi qırımtatarlarnen tolu birinci eşelon Orta Asiyağa yollandı. Umumen 180 biñ insandan ziyade sürgün etilgen edi.
